በኢትዮጵያ ብዝሀ ሕይወት ኢንስቲትዩት የኢንፎርሜሽን ኮሙኒኬሽን ቴክኖሎጂ ዳይሬክቶሬት በመስክ ላይ መረጃ መሰብሰብ የሚያስችሉ ሀያ ስድስት አፕሊኬሽኖችን አዘጋጅቶ ስልጠና በመስጠት ለአዝርዕትና ሆርቲካልቸር ብዝሀ ሕይወት ዳይሬክቶሬት ጥቅምት 04 ቀን 2014 ዓ.ም አስረከበ፡፡

በፕሮግራሙ ላይ አቶ ውብሸት ተሾመ የአዝርዕትና ሆርቲካልቸር ብዝሀ ሕይወት ዳይሬክቶሬት ዳይሬክተር ስልጠናውን በአግባቡ በመውሰድ ወደ ተግባር መለወጥ ይጠበቅባችኋል የሚል መልዕክት አስተላልፈዋል፡፡

አፕሊኬሽኖቹ የተዘጋጁት በአዝርዕትና ሆርቲካልቸር ብዝሀ ሕይወት ዳይሬክቶሬት ጥያቄ መሰረት መሆኑን አቶ ቴዎድሮስ ወርቁ የኢንፎርሜሽን ኮሙኒኬሽን ቴክኖሎጂ ዳይሬክቶሬት ዳይሬክተር የጠቀሱ ሲሆን ስልጠናው በዳታቤዝ ባለሙያ የምስራች ስዩም ቀርቧል፡፡ የተግባር ስልጠና ተሰጥቶ ፕሮግራሙ መጠናቀቁን የህዝብ ግንኙነትና ኮሙዩኒኬሽን ዳይሬክቶሬት ዘግቧል፡፡